Dis die enigste opskrif wat ek vir hierdie pos kan uitdink want geen, en ek bedoel GEEN, woorde kan beskryf hoe ek nou voel nie!!
Ek het so pas met een van my biologiese susters gepraat en dit was ‘n euforiese ondervinding. Ek knyp myself elke vyf minute, net om seker te maak ek is wakker en dat ek nie droom nie. Kan ‘n mens – op AMPER 44 – so voel? Ek kan dit nie beskryf nie. My hart klop in my keel, my ore suis en dis asof my brein nie herwaarts of derwaarts rigting kan vind nie.
Hulle sê mens kan baie van iemand se stem aflei en ek het sagtheid, empatie, opregtheid en wonder gehoor.
Die blote feit dat ons iewers verby mekaar geloop het en oor mekaar gewonder het omdat sy baie in Potch en Klerksdorp kom, maak dat ek wil huil en nooit ophou nie, want ek kon haar vroeër leer ken het! Sy was so naby en tog so ver! So naby dat ek aan haar kon raak maar so ver verwyderd agv omstandighede se grense.
Dit was wonderlik om te hoor hoe sy van my biologiese ma gepraat het. Sy was ‘n wonderlike mens vol deernis en liefde. ‘n Mens met talente en bowenal ‘n ma. Klink asof sy en my aanneemma een mens kon wees!
Volgende naweek gaan ek haar ontmoet … wow! Soveel dinge! Ek gaan werklik sukkel om deur hierdie week te kom.
Dankie dat jy wel die moeite gedoen het. Dankbaar beskryf nie die dankie wat ek voel nie. Ek voel soveel meer!
Ek is so bly vir jou, en vir haar ook! Elkeen van julle kinders is ‘n stukkie van jou biologiese ma wat nog lewe.xx
LikeLike
Ek kan bars van opgewondenheid!!!
LikeLike
Hierdie gaan ‘n hele nuwe fase in jou lewe inlei Pantoffeltjie. Ou deure gaan uiteindelik toegetrek word soos dit hoort, nuwes gaan oopmaak. Dit het jare geneem, maar die tyd is NOU reg :0)
Jong ek gee jou sommer ‘n virtual hug!
LikeLike
Ek voel ook die tyd is nou reg. En dankie vir die virtual hug! Dis lekker.
LikeLike
jy weet dat ek weet presies hoe jy voel. ek is ontsettend bly vir jou.
LikeLike
Dankie Murphy! Ek kan nie beskryf hoe opgewonde ek is nie. Ek sit nou en kyk foto’s soos sy dit oplaai op FB! Amazing!
LikeLike
O WOW! Geen ander woorde nie.
XXX
LikeLike
Ek het ook geen ander woorde nie! Ek is so opgewonde soos ‘n gr 1’tjie voor eerste kersgeskenk.
LikeLike
Sjoe! Dis werklik wonderlik, en ek dink dat almal sal saamstem as ek sê dat dit een van die suiwerste oomblikke van jou lewe sal bly. Vir altyd.
LikeLike
Ek glo jou. Dit voel vandag steeds onwerklik vir my.
LikeLike
Wow WOW wow Wow wOw wOW woW!!!!!!!!!
LikeLike
🙂 En nog ‘n Wow!
LikeLike
Wow wow wow, ek is nou sommer ook opgewonde, ek hoop alles werk perfek uit vir jou, baie sterkte, xxx
LikeLike
Ek glo als sal uitwerk soos die Hemelse Vader dit bedoel het. XX
LikeLike