Koes-Koes


Parykeer gaan mens so koes-koes deur die lewe
al wonderend of ons werklik hier hoort
tussen al die mense, gedagtes, gebeurtenisse
wat vorentoe beur, so onverstoord.

Ons wil jammer sê dat ons asemhaal
en ons harte klop
Partykeer wil ons teen die skanse skree
tot ons stemme hees verstop.

Partykeer moet ons net na buite kyk
waar nuwe horisonne wink
na nuwe antwoorde, nuwe paaie
waar ons voete rigting kan vind.

Advertisements