Hoe om ‘n volmaakte vrou te herken


Vertaal uit die Susca Watts tydskrif Volume 3 *~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*

Hierdie vrou is trots.  Sy respekteer haarself en haar medemens.  Sy is bewus van wie sy is.

Sy soek nie erkenning van haar lewensmaat nie en leef ook nie haar lewe deur hom nie.   Sy verwag nie van haar lewensmaat om haar gedagtes te lees nie en weet hoe om haar wense te artikuleer.

Sy is altyd hoopvol.  Sy is sterk genoeg om haar drome te verwesenlik.  Sy ken liefde en daarom weet sy hoe om lief te hê.  Sy weet dat haar liefde nie na waarde geskat kan word nie en daarom moet dit beantwoord word.

‘n Volwaardige vrou is ‘n inspirasie en het uithouvermoë en kan dit toepas om ander te help om die hoogtes te bereik wat vir hulle bedoel is.

Sy ken haar verlede, verstaan haar hede en werk vir haar toekoms.  Sy leef nie in vrees vir die toekoms as gevolg van haar verlede nie want sy verstaan dat haar lewenservarings lesse is, om haar nader aan selfkennis en onvoorwaardelike selfliefde te bring.

~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*~*

Elke vrou is dit aan haarself verskuldig om die beste te wees as wat sy kan wees.  Elke vrou moet vir haarself blootstel aan nuwe uitdagings elke dag.

‘n Vrou mag nooit ophou leer nie.  En hiermee bedoel ek nie een of ander kursus nie.  Nee, jy moet elke dag iets nuuts leer oor jouself, jou omgewing of oor die mense om jou.

‘n Vrou moet kan stil raak en tyd met haarself geniet.  ‘n Vrou moet haarself gelukkig kan hou.  Want as jy nie gelukkig is nie, kan jy tog niemand anders gelukkig maak nie.  Daarom moet jy jouself altyd eerste stel, maar nooit ten koste van iemand anders nie.

Daar is ‘n hemelsbreë verskil tussen selfbewus wees en selfbehep wees.  As jy selfbewus is, is jy bewus van dinge binne jou en dinge buite jou.  En jy is ywerig om meer daarvan te leer, ‘n skouer aan te bied, ‘n hand uit te steek en ‘n traan af te vee.  Maar as jy selfbehep is, is jou skouer, jou hand en selfs jou sakdoek jou eie.

En aan elke vrou hier in blogland, vier die feit dat jy vrou is.  Omhels jouself, vertroetel jouself, gee jouself ‘n kans.  Want sonder jou, sal die wêreld ‘n droeë dorre woestyn wees.

Vir jou, vrou, is hier ‘n bossie blomme …

‘n Diepooi roos vir ‘n lewe vol passie
‘n Koringblom vir jou grasie

‘n leeubekkie met oranje en rooi
want ‘n vrou sal nooit kan tou opgooi.

‘n katjiepiering in ‘n diep, diep blou
want aan jouself, bly jy getrou.

‘n Kappertjie so oranje en helder
niemand sal jou trots kan kelder

‘n Gesiggie van die sagste geel
sodat niemand jou lag kan steel

‘n Namaqualandse Daisy
want jou liefde ken geen prys nie

Toegedraai in selofaan
mag jou skoonheid nooit vergaan

Advertisements

Los jou mening ...

Please log in using one of these methods to post your comment:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s